كل ماعمل ريستاااااااااااارت الاقيه ماسح المواقع اللى كنت كاتبها...مع انى مش عامل انه يمسح ال history لما اخرج وحولت كتير مفيش فايده
مش عاررررررف فى ايه؟:majd(4)::majd(4)::majd(4)::majd(4):
عرض للطباعة
كل ماعمل ريستاااااااااااارت الاقيه ماسح المواقع اللى كنت كاتبها...مع انى مش عامل انه يمسح ال history لما اخرج وحولت كتير مفيش فايده
مش عاررررررف فى ايه؟:majd(4)::majd(4)::majd(4)::majd(4):
ادخل ك administrator
وممكن
تجرب انترنت اكسبلورر 9 بيتا
سريع وشكل روعة
Beauty of the Web
(ولو اني لا استغنى عن فايرفوكس)
انترنت اكسبلورر !!!!
يا راجل حرام عليك نفسك
هو في حد لسه بيستخدمه
:shyy:
استخدم فايرفوكس
google chrome جامد والله وسريع وده انا لاحظته لانى بتعامل مع الاكسبلورر من 3 سنين الاكسبلورر فى خصائص امان وده بيخليه تقيل واحيانا ما بيفتحش بعض المواقع
اكسبلورر مات من زمان
اسرع متصفح هوه اوبرا و بعديه فايرفوكس و بعديه جوجل كروم
الاسهل في الاستخدام كروم بعديه فايرفوكس بعديه اوبرا
الافضل في الامان اوبرا و بعديه الاتنين تقريبا زي بعض
لكن اكسبلورر بره اي حسابات
كرهتونى فيه :) والله لامسحه ههههههه
العيب مش في انترنت اكسبلورر
العيب في طريقه تثبيت الويندوز والنسخه المستخدمه .. واسلوب تثبيت البرامج
انا بستخدم انترنت اكسبلورر وجربت فاير فوكس اللي الناس بتحكي عنه اساطير
وعملت مقارنه عادله بينهم .. اكسبلورر كسب
انا مش بغير الويندوز غير كل سنتين على الاقل .. وبيفضل بنفس حالته زي اول ما ثبته اول مره لحد اخر يوم
انا اللي بغيره من باب التجديد .. لكن مش بيقع ولا بيقابلني مشاكل
ودة علشان بنزل نسخه اصليه ( مش النسخ اللي ملعوب فيها ) وبعدين تعريف الهاردوير للجهاز
وبعملها تحديث كامل من موقع ميكروسوفت ( ومش بفتح اي موقع ولا برنامج ولا اي حاجة عالجهاز لحد ما ينتهي تحديث الاويندوز من ميكروسوفت وتثبيت النورتن وعمل تحديث له كامل )
والحكايه دي ممكن تاخد مني يوم كاامل
وبعد كدة ابتدي اظبط اوبشن الويندوز .. يعني شويه حركات كدة خفيفه زي تظبيط الريستور على بارتشن السي والغائه من باقي الهارد وشويه حجات في الرجيستر الخ
دلوقت الجهاز بقى مستعد لأي شىء يعمله بسلاسه وبدون مشاكل
وخليك حكيم في تثبيت البرامج ( كتر تثبيت البرامج مش حلو .. خاصه لابرامج اللعبه بتاعت اللعب بالصوت والفيديو والكلام دة )
لما تحب تستخدم برنامج .. استخدم اشهر البرامج المعتمده من الشركات الكبيره
يعني تحرير صور وتصميم ( فوتوشوب ) ماروحش اجرب برنامج اسمه ككريزي فوتو مثلا
مالاخر .. في اسلوب لتثبيت الويندوز وتثبيت السوفت وير ( بلاش نكست نكست وشكراً )
وخليك حكيم في التعامل مع الجهاز
واللي بيقول فاير فوكس .. يحضر بيئه صالحه للمقارنه الاول .. ويعمل مقارنه عادله قبل ما يقول كذا افضل من كذا
وبلاش نسخ الويندوز اللي بتنزل في نص ساعه دي ببرامجها وسلاطتها
بالتوفيق
ههههههههههههههه ... نورت المحكمه :satelite:
معلش اصلي بستخدم الكمبيوتر من ايام ما كان لسه مفيش حاجة اسمها ويندوز
كان DOS وبدون ماوس ولا هارد وشاشه كلام ابيض على خلفيه سودا
وكان التعامل بالفلوبي ديسك 5.25 مش 3.5 وكان حجم الفلوبي دة 360 كيلو بايت ( مش محصل نص ميجا )
هااااااااا ايام بقى
استاذ DreAmO بالرغم من ان دي اول او تاني مشاركه لحضرتك بس كأنك على خلاف فكري عظيم مع كل الزملاء اللي قالو فايرفوكس او جوجل كروم :-) انا مش عارف ليه كده !!!!!!
لكن مع احترامي لكل كلامك فبمنتهى البساطه وبعيداً عن اصدار الويندوز او طريقة تسطيبه او تحميله على الجهاز
الانترنت اكسبلورر بيستخدم بروتوكولات وطرق تقليديه جدا في فتح صفحه النت , وابسط حاجه مثلا لو حضرتك تعرفها ان من احد الاسباب اللي بتبطأ عمليه فتح الصفحات الجديده هو ان البرنامج قبل ارسال الريكويست بتاع فتح الصفحه بيعمل بحث عن اعدادات الطابعات المثبته على جهازك عشان لما الصفحه تفتح وحضرتك تحب تطبعها يكون البرنامج عنده فكره مسبقاً عن الطابعات المثبته , والعمليه دي بتاخد مش اقل من 3 ثواني !!!!!!!! و طبعا في حاجات تانيه كتير بنفس الاسلوب والطريقه دي
لكن الجوجل كروم او الفايرفوكس او الاوبرا او او او بتعتمد على تقنيات احدث واعلى في الاداء , وابسطها مثلا استخدام معظم الملفات (المحمله بالفعل) الموجوده على واجهات تعامل المواقع اللي حضرتك بتزورها , بحيث انك لو فتحت نفس الصفحه اللي كنت فاتحها من ساعه مثلا بيتم تحميل التحديثات الجديده فقط على اكواد الصفحه مع وضع كل الصور واللوجوهات و و و اللي كانت بالفعل نزلت على جهازك قبل كده , بالاضافه للاستغناء عن بعض البروتوكلات عديمه الفائده والموجوده في الاكسبلورر , زي الكشف عن الشيرنج والبحث عن الطابعات مثلا
وعلى فكره , انا ممكن اكون من اكتر الناس اللي جربت نسخ ويندوز مضروبه واصليه ومعدله من كل الاشكال والانواع ابتداء من ويندوز 3.11 لغايه الويندوز 7 , بحكم ان جزء كبير من دراستي كان برمجه تطبيقات وانترنت
وانا بستغل الفرصه السعيده دي وبدعو حضرتك لتحميل جوجل كروم من على صفحه جوجل الرئيسيه وجربه مع اي منتدى في الدنيا وشوف الفرق , وقولنا الاخبار
وتقبل تحياتي
سؤال يا باشمهندس:
انا حاولت اركب جوجل كروم عندى ... لكنه لا يعمل الا مع ال user اللى عملت ال setup باسمه فقط (مع العلم ان جميع ال users لهم صلاحيات administrator)
هل عندك فكرة عن حل هذه المشكلة ؟
وشكراً
استاذ Khaled_Nowaihy هل في رساله خطأ او حاجه بتظهرلك لما بتحاول تفتح البرنامج من على يوزر غير اللي اتعمل عليه السيت اب ؟
ههههههههههههههه انا مش بزعق والله
بس التجربه العمليه الصحيحه بتثبت ان الاكسبلورر افضل واسرع فعلاً
الفاير فوكس انتشر مع انتشار نسخ الويندوز المعدله .. لأن الناس كان بيقابلها مشاكل في الاكسبلورر .. فكانت بتبحث عن متصفح بديل يدخلها نت وخلاص
الاكسبلورر من اول الفيرجن 7 وبعديه 8 .. بقى حاجة تانيه خاالص .. شرط ينزلك مع التحديث بتاع ميكروسوفت
مش تعمله تثبيت خاص زي اي برنامج
ولاحظ ان الاكسبلورر جزء من الويندوز نفسه
وفي النهايه .. اي موقع الكتروني بيكون احصائيه زواره .. 85 % تقريباً تصفحوا الموقع بإنترنت اكسبلورر
وال 15% الباقيه لباقي المتصفحات الاخرى
بالنسبه لجوجل كروم .. دة موضوع كبير اوي اوي اوي مش عايز ادخل في تفاصيله
بس خليك عارف ان شركه جوجل .. بتسعى لجمع معلومات عن اي شىء بأي شكل .. من اجل تطوير محرك البحث الخاص بها
ومن اجل حمايه برنامجها الاعلاني جوجل ادسنس من التلاعب فيه من جانب الناشرين
وبتسعى للهدف دة من خلال خدماتها المجانيه سواء موقع تابع لها بيقدملك خدمه .. او سوف وير .. مثل تولبار جوجل ومتصفح جوجل الخ
هههههههههههه وانا مش بزعق اهوو .. وبعدين ليه مشاركات تانيه بس مش محسوبه لان كل مشاركاتي في القسم دة
والقسم دة مش بيتحسبلوا مشاركات
وعلشان انا ديموقراطي وبرحب بجميع الاراء
عالله اشوف حد بيستخدم حاجة غير اكسبلورر
التجربه دي مختلفه جدا عن تجارب معظم الناس على فكره :-) واولهم انا
هو فعلا بقى حاجه تانيه خالص في الشكل وفي المضمون الى حد ما , وانا شخصيا مجربه والله ومع كل التحديثات من على مايكروسوفت , لكن بردو مستواه اقل من منافسينه بكتييييييير
و ده عشان الكلام اللي جاي ده , وهو مقتبس من كلام حضرتك :-)
وعشان كده ناس كتير مش بييجي في دماغها تنزل برنامج افضل , طالما ان ده شغال
الجزء ده بصراحه انا مش عارف اربطه مع مجال كلامنا :-)
لان مفيش علاقه بين برنامج سريع في التصفح وبين جمع المعلومات و و و و و و
عالعموم انا اتشرفت بالنقاش مع حضرتك :-) وفرصه سعيده
ممكن بعد اذنكم تحطوا لينك تحميل بأخر فيرجن من الفير فوكس ولينك تحميل لجوجل كروم
تمام
طيب هقول لحضرتك حاجه
شوف الـ shortcut بتاع جوجل كروم وكليك يمين عليه واختار الخصائص ومنها هتلاقي مسار البرنامج في Target
انسخ المسار وحطه في ملف تكست على Drive D: مثلا
وادخل على اليوزر التاني اللي حضرتك مش لاقي عليه الجوجل
وافتح نافذه run وحط فيها المسار اللي حضرتك نسخته , واضغط موافق
وشوف النتيجه
هو بس المقصود من كل الخطوات دي ان كده كده ملفات البرنامج موجوده على النظام عندك , وغالبا المشكله كلها في ايقونه الاختصار , ولو الطريقه دي نجحت والبرنامج اشتغل يبقا كل اللي حضرتك محتاجه انك تحط ايقونه اختصار تانيه لليوزر المراد
ولو الطريقه منفعتش , يبقا حضرتك ادخل على اليوزر اللي فيه المشكله ونزل جوجل كروم تاني , واتوقع انه حتى مش هيكون تنزيل كامل , هيكون مجرد تحديث لملفات السيستم
انا جربت جوجل كروم وحسيت انه نسخة مصغرة من انترنت اكسبلورر ولا فرق بينهم حتى انه بيستخدم المفضلة والاعدادات تبع انترنت اكسبلورر
اللي هو في الاساس اسوأ متصفح واللي يقول ان اكثر الناس يستخدموه ه كلام غلط لان ميكروسوفت تعمل ليل نهار علشان متصفحها يبقى رقم1
وبصراحة النسخة الوحيدة اللي بهرتني هي نسخة IE9 بيتا الجديده
اما فايرفوكس فده عالم تاني يكفي تزور موقع add-ons تبعه وتشوف كمية التحكمات والتسهيلات ده كفاية عليه ان فيه خاصية تنزيل الصور المحمية من موقع فليكر بالحجم الاصلي وكفايه علية انه ميخليش اي فلاش يفتح غير باذنك ووو حاجات كثير الناس مش عارفاها
https://addons.mozilla.org/en-US/firefox/
عندي كل الأنواع من ال browser
أكسبلورر عند ممتاز
كروم سريع ولكن غير أمن
سافاري مش عاجبني ولكنه كويس
أوبيرا سريع جدا أكتر من الكروم ولكن برضه مش في أمان الأكسبلورر
فاير فوكس رقم واحد بالنسبالي حاليا بعد العملة السودة ده
http://www.nilemotors.net/Nile/186360-firefox-30-a.html
بقي الأسرع علي الأطلاق بدون منافس و الأكتر أمان وفيه أضافات رهيبه
بعد كام حاجة عملتها حاسس ان المنتدي بقي chating room
عندى كل البراوزرز دى
بس كل اعتمادى على اكسبلورر وفعلا مش حاساه ابطء من غيره
يمكن كمان يكون عندى اسرع من كروم وفوكس
تحت امرك يا استاذ اسلام
تجربيه ايه بس :majd(2):....دنت ياباشا المفروض قديم يعنى فى السوفت وير على كلامك....ممكن يكون ال ie امن من الفايرفوكس لكن اى متصفح اسرع من الاكسبلورر
انا من اتباع الانتر نت اكسبلورر....وعندى النسخه 8
ودة لانى مش بحب الفيرفوكس والحجات دى
بس لما بستب فايرفوكس وبشغله بيبقى اسرع 1000 مره من الاكسبلورر جربت اوبرا واسف من ال الاكسبلورر برضه بس معقد شويه
افتح منتدى من الاتنين وانت تعرف:ma:
انا مليش دعوه بالابحاث والتجارب...انا ليا باللى اشوف قدام عينى وفايرفوكس اسرع يبكتير طبعا فى التحميل وعرض الصور
بس اللى مش بيعجبنى شكله ومش متعود عليه...عشان كده بستخدم الاكسبلورر...بس لما حصل المشكله بتاعت مسح المواقع دى قرفت الصراحه...ومشغال بالفاير فوكس
كل الناس دى بتهاجم فى الانترنت اكسبلورر مع ان الغلطه ممكن تكون من عندك
افتح اى صفحه
اختار tools
internet options
browsing history
فيه مربع صغير لو انت حاطط فيه علامه صح يبقى انت اللى بتقوله امسح الهيستورى شيل العلامه دى
لو مش كده شيله ونزل نفس النسخه اوعى تنزل 9 دى نسخه تجريبيه واقعه هتكرهها جدا
واتأكد انك معندكش اى برنامج بيشيل الريجسترى
نسخه الويندوز كده بتمسح على طول ..
.والبوكس مش معمول عليه صح ولا حاجه من قلت فى اول الموضوع
انا ستبت فايرفوكس خلاص اهو اسرع من التانى